Prys-Lys

Hello Annalise,
Hoop dit gaan goed met al jou warrelwind trippies !
Ek wil jou net gou DANKIE sê vir jou pragtige geselsies die week saans vroeg op RSG.
Om te bewys hoe ons dit geniet : my man staan op voor die tv nuus om na die radio te gaan sodra hy hoor dit begin. En dan roep hy my om ook te kom luister.
Jy bring die boodskappie regtig op so 'n mooi suiwer eenvoudige manier. Regte pitkos vir die pad.
Die Here seën jou om nog lank en baie vir ons sulke pitkos te bring.
Liefde

Date of Posting: 26 February 2010
Posted By: Franza de Kock

"Jou mooi-woorde, siels-woorde, lewens-woorde en sing-woorde gee my altyd hoendervleis - SEËN-WOORDE"

Date of Posting: 20 November 2009
Posted By: Helein

Die mooi, rustige maar tog passievolle manier waarop jy jou program aangebied het , het my getref. Jy het inderdaad daarin geslaag om my te "bedien" en dit het my gees goed gedoen!

Date of Posting: 21 August 2009
Posted By: Ds Jan Momsen, Rondebosch

Wil in groot hoofletters vir jou dankie sê vir wie jy is en vir die GROOT INVLOED WAT JY EN JOU MUSIEK IN MY LEWE IS.

Date of Posting: 06 July 2009
Posted By: Mona Fourie, Sedgefield

Ek voel nou net soos die vrou wat haar verlore penning gevind het! My "Kaalvoet" CD was al vir meer as 2 jaar net weg. Ek het gesoek, in my deurmekaar studeerkamer, en ook in my brein om te probeer onthou vir wie ek dit dan geleen het? En toe pak manlief sy eie rekenaarkas verlede naweek reg ..... en toe, tussen 'n klomp ou data CD's wat hy aan die weggooi was, dop die een met die venstertjies en kruis uit!!!!
Nou luister ek en geniet jou en jou pragtige sang en boodskappe weer van voor af. Jy het eenkeer hier op Stellenbosch kom kuier by ons bybelstudiegroepie - dis toe dat ek die eerste keer jou liedjies gehoor het. Ek het gedink ek gaan daardie CD van jou stukkend luister. Maar dit leef nog! So, ek wil net sê BAIE dankie vir alles wat jy steeds doen. Sterkte met jou werk en mag jy steeds so geïnspireer word om te skryf en te sing. Dit beteken vir ons mense met musikale ore maar sonder sangsstem, oneindig baie om op so 'n manier nader aan God te kan beweeg!
Want jou musiek is beslis in die hemel gemaak en toe deur die engeltjies aarde toe gedra ...
Baie liefde.

Date of Posting: 11 May 2009
Posted By: Nina van Niekerk

Ek wil nie jou posbus volstop met twakkies nie, maar die behoefte is dringend om vir jou te sê moet asseblief nie ophou nie. En moet my nie van jou poslysie afvee nie. Wat jy doen maak sin. Wat jy skryf beteken die wêreld. Jy moet weet uit jou en deur jou vloei daar seën, oor my, oor ons.
Nee, ek is nie 'n "bewonderaar" nie. Ek hou nie van die manier en die term nie. Maar my waardering is enorm. En waarskynlik meer blywend as die meeste "bewonderaars" se smaak.
'n Ompad van woorde om dankie te sê. Uitspreek van 'n stukkie hoop dat dankie die binne-vlam in jou kan help brandend hou. Ook 'n poging om jou te oortuig dat jy 'n instrument is, dat jy nie moet twyfel oor wie se lig uit die sentrum van jou hart straal nie.

Date of Posting: 27 April 2009
Posted By: Wilma Snyman

Hallo Annalise
Ek wil net vir jou baie dankie se vir jou kuiertjie by ons gemeente. Dit was vir my en my man Anton 'n wonderlike ondervinding wat in ons altwee se lewens beroeringe veroorsaak het. Ek het ontdek dat ek besig is om so 'n harde mens te word wat so maklik dinge wat my kan ontstel net uit my lewe verban. Dankie dat jy weer 'n traan in my droë oë gebring het en 'n sagtheid in my hart.
Sterkte met jou taak!!!!!!!

Date of Posting: 12 April 2009
Posted By: Mimi Swart, Klerksdorp Oos

Annalise
Ek sal die bietjie salf wat jy aan my rou hart gesmeer het in die moederkerk in die Stand nooit vergeet nie. Dankie
Mag jy voortdurend oomblikke beleef dat iemand jou wonde salf soos jy deur die Heer se genade ander se wonde salf. Jammer dat daar wonde moet wees. Dis die lewe!
Groetnis

Date of Posting: 11 March 2009
Posted By: Chris

More Sonskyn kind.
Die diep borrel-vreugde het uit my maag gekielie en ‘n onstuitbare “ Jaaaoooo” oor my lippe gekrul met die bekendmaking van die Lier toekenning vir Nkosi. Nkosi was ‘n lewende trefkrag van die eerste dag wat die CD se warm omslag en gesellige bewegende kraletjies die ritme van die inhoud verklap het… Wel gedaan, my vriendin. Ek glo dat dit nie altyd maklik gaan nie, maar mag sulke monumente jou laat bly opkyk na die Ewige lig .. en emmers vol moed skep vir die groot uitdagings wat nog voorlê. Dankie dat jy ons so seën met die mooi van jou musiek en stem…
Liefde

Date of Posting: 20 February 2009
Posted By: Guilma

Oor Hartenbos en die hartroerendheid van die hele naweek ....... ek kan jou nie sê hoe ek steeds vlaag op vlaag emosie beleef wanneer ek ALLES van die naweek herleef nie , so verseker beskryf jy dit perfek - ek dink my hart is nog erg ontroer !! Ek weet nie hoeveel maal ek alweer al die snitte geluister het op jou CD's wat jy die oggend hier gesing het nie . Net om weer 'n stukkie vas te vang van dit wat jy gebring het - die deernis , die warmte , die passie , die vrede , die hoop , die inspirasie . Die "opgedra-de" Nkosi vir Helen .......... my hart slaan nou nog drie keer om as ek daaraan dink en die huil en meegevoel in jou stem hoor . [Sjoe , ek is so spyt ek het nie 'n opname laat maak van die oggend nie en so baie vroue het my daarna gevra en selfs vir die klompie in Jhb by die kantoor sal dit so bemoediging wees . Maar nou ja , nou sal hulle maar onophoudelik na my re-laas moet luister :-) :-) !! ] Maar dan ook jou menswees , jou totale oorgawe aan God , jou onvoorwaardelike diensbaarheid , nederigheid , alles wat van jou sò ‘n kosbare mens maak . Dankie dat jy so ‘n lieflike geur versprei waar jy is en ook DIE GEUR van Christus met jou saamdra - ons sien Hom in jou oë , ons hoor Hom in jou stem ......... en dis seker wat die hart die meeste ontroer en wat ook maak dat ons harte , Hartenbos en Danabaai sommer erg leeg voel vandat jy weg is !!

Date of Posting: 21 January 2009
Posted By: Liesl van Rensburg

<< Start Previous 1 2 3 4 5 Next Last >>

Page 3 of 5

Submit A Testimonial

Please login to submit your testimonial.